Circe na isla de Eea

Como perru escocíu buscábate

cuando desembarqué na to matriz bruxa.

—¿Quién yes tú?, ¿por qué fixisti zozobrar

la mio nave?

(los tos güeyos bacantes respondieron

a les mios plegaries

de griegu temerariu

aquella perdida aurora).

Y esquiciáu pola lluxuria,

l'ecu repitió les

mios fazañes

irradiando la to sorrisa a doble filu en

suntuosa llacuada de vinu y

carne.

¡Qué tiempos aquellos!

Cuando aplacé'l mio destín d'home,

cuando escaecí la tierra patria.

Entá recuerdo'l to palaciu y cómo

me pavoneaba

escontra'l to cuartu.

Te acometía hasta l'alba, abrazábesme coles

rodíes, confrontábamos

aciages

drogues na to encinar de pelo altivo mientres

llabrábamos

baldrayos de tiniebla a berros.

(Anque siempres hubo quien

llamentó qué patéticu valtábame nos tos porquerices.)

¡Oh, Circe! L'ánimu nunca m'afaló a partir ¿por qué cumplisti la to

promesa d'unviame a casa?

Dicen qu'otros marineros incautos

llegaron a les tos mariñes.

Al presente, yá namá arregles

la mio memoria virtiendo agua pasada.

Y asina cobro fuerces para abarruntar

el día ente día. Llevántome, inxero los

alimentos, diríxome al trabayu n'hora punta.

Muévome disueltu en

bancos de pexes humanos, ente antropófagos

cíclopes

y muyeres virtuoses enferronaes

a palurdos pretendientes a la so

cintura cinxíos.

Mas la esperanza entá acesma en

dioses sentaes

texendo intrigues que reparen

a lexones de Ulises nuevos amarutaos

de méndigos.